早兩日去街經過荃灣路德圍, 見到開左間咩野廸卡倫, 個場都幾爆下. 同班fd貢左入去避避寒. 店長強力推介爆爆旦野飲, 咁我地叫左幾個小食,至尊朱古力爆爆旦咁啦.
個朱古力爆爆旦飲落去又唔錯喎, d朱古力味都好濃下, 唔似係d餐廳既一般貨色, 最過癮係裡面d爆爆旦,好似d珍珠細細粒,一咬落去"浸"糖衣就爆開, 裡面d咖啡又同朱古力幾match喎.
另外,我怒啜左個fd杯曲奇妙趣幾野, d水準拍得住Pacific Coffee既Cookie&Cream, 唔錯唔錯.
小食方面, 個香脆芝麻雞亦真係可以一試. 平時食開果d一係就炸得唔夠脆,一係就炸到乾爭爭咁.呢到果d又脆又多汁, 天氣凍凍地整番隻,暖暖胃都幾好.
不過果度坐得都幾逼下, 一人多就想轉個身都幾難, 呢樣野真係要丙一丙. 但係都係算啦, 見佢個場都有一,兩個靚女serve我地, 我諗我地班男人老狗都會多d落去既,呵呵~

哈...唔好笑死我....
果間野我完全未見過佢爆場 =-="
D 野飲甜死人 ...
佢唔係因為多人所以迫...而係個位本身窄..
咁屈則...又唔係坐得舒服 ,,,
D 侍應仲要個個望電視 =-= 有人入左都唔知...